Politics of hate

kal dainik jaagaran meN ek khabar chhapi thi, ki boolywood ke filmoN se naaraj PAK MP. mudda national assembly me uthaaya gaya. opposition ki leader aur MP Tahira Aurangjeb ne sikaayat ki kee bachche bol-chal me hundustani lafjoN ka istemaal kar rahe haiN.

unki suvah-sanka sahi hai. aawaam ek-dusre se jood rahi hai, pakistaani hukumraan aawaam me hindustan aur hindustaniyoN ke liye nafrat failaate rahte haiN, taki ve unka dhyaan aam jarooratoN se hata sakeN. siyasatdanoN ne nafrat failaakar hi mulk ka batwaara kiya tha, aur usi nafrat ko jinda rakhna chahate haiN.

unhe dar hai ki abhi logoN me hindustani lafjoN se pyaar badh raha hai, logoN me bhi pyaar badh gaya, to unka nafrat ka sara khel hi khatm ho jayega. pure purane hind ki aawaam fir se ek hokar unhe darkinaar kar sakti hai, unka mulk ko lootne ka dhandha band ho jayega. jamaana badal raha hai ab aawaam siyasatdanoN par aankh band kar bharosha nahi karti, khud bhi sonchti hai, ek-dusre se baat karti hai, apna facebook bhi kaafi madadgaar hai.

hamsabhi milkar siyaasat se munaafa khatam kar deneN, to ve nafrat failaane ka dhandha bhi band kar denge. fir siyaasat me watan aur insaaniyat ke sanchche kadardaan hi aayenge aur insaanoN ke bich ka sara antar khatam ho jayega. Fir se ham apna purana watan pa sakenge, jahaN nafrat nahi pyaar fi pyaar hoga, hoolywood bhi naye naye pyaar ke taraane gayega, jisme abhi ke Pakistani, Hindustaani aur Bangladeshi milkar taraane chhedenge. hame sirf itna karna hai ki apne apne mulk se siyasat ki malaai/munaafa/laabh khatam karna hai.

Meri ek kavita hai:-

Sabka Malik Ek.

Bang bhang ko kar do sang,

Bharat – Pak bhi ek hi ang.

Hindu-Kush se Hind Mahaasagar,

Azad Hind ka ek hi 'Gaagar'.

Bhashaao ka bhed mita do,

Prem ki bhaasha sabko padha do.

Hindu-Muslim-Sikh-Ishai,

Ye sab bhed hamne hai banai.

Ishwar ne Insaan banaaya,

Daya-raham hi dharm bataaya.

Sachchaai par chalte jaana,

Asaan ho jaye Allah ko paana,

Jehan me jehaad macha do,

Irshya-dwesh ko maar bhaga do.

Dil saaf kar ban jaao nek,

Mahsus karoge 'Sabka Malik Ek'.

Is kavita ko maine 3 August ko note me dala tha. tab main facebook par naya tha. Pakistani bujoorg Jawaid Danish Sahab ka comment ka pyar mila tha :- GhulamBhai...Achha hai...Good intention...good poem.

-GK,
Citizen of Azad Hind Desh (PK+IN+BD)